Дали детоксикацијата на организмот може да помогне при долгогодишен екцем на рацете?

Лекувањето на екцем е комплексен проблем. Постојат повеќе видови екцем-дерматитис кои можат да зафатат кожата, а во зависност од причината се одредува и лекувањето. Екцемот често е предизвикан од алергија на алергени од надворешната средина, а за да се утврди на кои, се работат епикутани тестови. Алергените се стават на кожата во вид на фластери, а резултатите се читаат по 72 часа. Понекогаш причина за екцемот не е алергија, туку подолг контакт со супстанции кои ја оштетуваат кожната бариера и ја иритираат кожата (домашни хемикалии и слично). Советувам повторно да се направи дерматолошки преглед. Детоксикацијата на организмот не е официјално прифатен метод од страна на дерматолозите и не постојат докази дека може да излекува екцем. Во секој случај, препорачува се нега на кожата со соодветни кремови и избегнување на долготраен контакт со иританси на кожата.