Црвенило, секрет и отеченост на кожичка на пенисот - што може да значи?

Врз основа на дадените податоци не може прецизно да се утврди за каков проблем станува збор. Промените на половиот орган понекогаш се знак на болести кои се пренесуваат по полов пат, а понекогаш можат да бидат последица на некои кожни болести. Се препорачува миење со благ неутрален сапун двапати дневно, потоа нанесување тенок слој крем со пантенол. Доколку промените не се повлекуваат, прекинете со употреба на кремот еден до два дена пред посета на дерматолог. При прегледот најверојатно ќе се земат брисеви, а по добивањето на резултатите ќе се препорача соодветна терапија.