Што значи проширен пиелон кај бебе?

Најважно е бебето добро да напредува. Ширината на каналот се менува, а сите мерења кај децата имаат широк опсег на нормални вредности. Кај децата чест е случај на проширување на пиелона поради рефлукс на мочка (враќање на мочката од бешиката кон бубрегот) или поради стеснување на уретерот. Доколку детето е под контрола на детски нефролог, не треба да се загрижувате, бидејќи сте во сигурни раце. Кога лекарите ќе оценат за потребно, тие ќе го упатат детето на понатамошни испитувања. Педијатрите-нефролози внимателно ги следат своите пациенти и се трудат да направат сè неопходно со најмала можна траума за детето. Најважно е детето редовно да се контролира во временски интервали кои ги одредува нефрологот-педијатар.