Што значат рабни калцификации на бубрезите?

Најверојатно се работи за нефрокалциноза - ретко заболување кое се карактеризира со таложење на калциумови соли во бубрежниот паренхим. Заболувањето е придружено со оштетување на дисталниот дел на нефрона и зголемено излачување на калциум преку урината. Причините за нефрокалциноза сè уште не се целосно познати. Се среќава кај хиперпаратиреоидизам, ренална тубуларна ацидоза, саркоидоза, Пагетова болест, хипервитаминоза и други состојби. Терапија - доколку е можно, треба да се лекува основната причина. Ако нефрокалцинозата е секундарна, на пример поради примарно бубрежно заболување, изгледите се понеповолни. Ако се потврди дека се работи за ова, покрај нефролог, потребно е да се консултира и ендокринолог.