Камен во бубрег од 14 мм и планирање на бременост - дали е ризично?

Присуството на камен во бубрезите генерално не може да доведе до компликации во бременоста, односно до некои неправилности во самата бременост. Сепак, советувам да се обидете да го намалите каменот до колку што е можно помала мера, бидејќи во текот на бременоста доаѓа до засилена филтрација на крвта преку бубрезите, а бубрегот дополнително може да се оптовари со течност и евентуално да доведе до нов напад на бубрежна колика. Тоа не е секогаш правило. Советувам околу планирањето на бременоста да се консултирате и со вашиот матичен лекар и гинеколог. Генерално, каменот не може да доведе до компликации во бременоста, ниту до конкретни проблеми, но секако треба заради вашето здравје да се обидете да го решите тој проблем пред бременоста. Пиењето голема количина течност, користење на соодветни супстанции и лекови кои можат да помогнат во растворање на каменот, евентуално ултразвучно разбивање на каменот се сите опции кои постојат. Величината на каменот не е голема според тие димензии, но повторувам - заради себе, обидете се да го решите тој проблем што поскоро.