Што значи црн слуз при искашлување по прехлада?

Црната слуз не е карактеристична за одредена конкретна инфективна болест, туку може да биде последица на пневмокониоза, односно професионални болести кај лица што работат со прерада на силициум, рудари на јаглен, изложени на азбест и слично. За испитување е потребно да се направи крвна слика (со посебен осврт на леукоцитите и леукоцитарната формула), биохемиски анализи (особено Ц-реактивен протеин), фибриноген, седиментација на еритроцитите, а исто така да се даде исполвок на анализа за да се утврди неговиот состав. Следен чекор би бил рендген на белите дробови, како и испитување на други можни причини кои не се секогаш поврзани со пулмологијата. Од друга страна, кафеав исполвок може да укажува на бактериска инфекција. Затоа е неопходно да се обратите кон надлежен лекар за подетални испитувања и анализи, бидејќи во конкретниот случај може да се работи и за професионална болест поради инхалирање честички на работно место, или за инфекција.