Опструктивна болест на белите дробови – кои прегледи се потребни?

Пред да се започне со антибиотска терапија, добро е да се направат крвна слика и биохемиски анализи, за да се потврди или исклучи инфекција. Исто така, корисно е да се направи и рендген снимка на граден кош, бидејќи преку неа можат да се откријат евентуален излив или пневмонија, доколку пациентот не е често изложен на рендгенско зрачење. Постојат многу лекови кои можат да се користат во такви случаи, но изборот зависи од дотогашната терапија на пациентот и од евентуални алергии, на пример на пеницилин. Во секој случај, неопходно е пациентот да биде прегледан од својот матичен лекар, кој со детален физикален преглед и аускултација може да процени дали тегобите потекнуваат од респираторниот систем (грло, бели дробови) или се поврзани со друг орган систем. Покачената телесна температура е многу неспецифичен симптом и сама по себе не укажува дефинитивно на проблем со белите дробови, освен ако постојат и други симптоми како кашлица и слично.