Како до совршена шминка и во најлудата ноќ
(Фото: Fashiondivadesign.com) Има некои грешки што се сосема вообичаено и кои честопати ги правиме кога нанесуваме шминка. Во пресрет на новогодишната ноќ, издвоивме неколку совети преку кои ќе ви откриеме неколку тајни на мајсторите на шминката што можете да ги искористите за да блеснете за најлудата ноќ.
1. УЕДНАЧЕТЕ ГИ ТОНОВИТЕ
Не изгледа како многу важна работа, но уедначувањето на тоновите можеби е оној вистинскиот и многу важен чекор што мораме да го усовршиме. Девојките честопати грешат бидејќи само нанесуваат шминка без да ги уедначат рабовите на пудрата или моливчето за уста. Таквата грешка, секако, резултира со остри линии, а со тоа и целата шминка изгледа грубо и неприродно. Заради тоа, размачкајте ја добро пудрата, сенката за очи, коректорот за подочниците или мозолките, а особено руменилото. Нека изгледа што е можно поприродно.
(Фото: Thenaturalmakeupboutique.wordpress.com)
2. УРЕДНИ ВЕЃИ
Обликувањето на веѓите внесува најголема инстант-промена на вашиот лик. Чистите линии на веѓите, без вишок влакненца на несаканите места ќе го обликува вашето лице онака како што вие сакате. Штом еднаш го погодите вистинскиот облик за вас многу е поедноставно да се пополни линијата на веѓите за да се добие саканата дефинираност на веѓите. За пополнување користете моливче или прав. Ова е еден од клучните потези за совршена шминка.
(Фото: Static.guim.co.uk)
3. ОБЛИКУВАЈТЕ И ОСВЕТЛЕТЕ
Обликувањето и осветлувањето ја подигнува умешноста на шминкањето на едно ново, повисоко ниво. Така се создава оптичка илузија со која вашиот нос може да изгледа потенок, јаболчињата на образите повисоки, а и целото лице може да се издолжи, омекне или што веќе сте наумиле. При обликувањето како основна нијанса може да користите пудра до две нијанси потемна од вашата природна боја на кожа и секогаш пудрата нека биде мат. Внимателно нанесувајте ја пудрата и сигурно ќе успеете да постигнете совршен тен.
(Принтскрин)
4. НАНЕСУВАЊЕ МОЛИВЧЕ ЗА УСТА
Руменилата за усни од разновидни брендови се убави сами по себе, но кога се обликуваат со моливче се постигнува целосниот ефект. Кога ќе им дадете форма вашите усни ќе изгледаат поголеми и подефинирани. Тој мал чекор прави вистинска разлика во целокупната појава. Додајте уште малку сјај на врвот на усните и подготвени сте!
(Фото: Realgirlsbeautyblog.tumblr.com)
5. ВИСТИНСКАТА НИЈАНСА НА ПУДРА
Најчестата грешка што ја прават жените е нанесување на погрешна нијанса на пудра. Но, тешко е и да се пронајде вистинската нијанса – онаа што ќе биде совршена за тонот на вашата кожа. Затоа, работете по системот на обиди и грешки сè додека не ја најдете вистинската пудра. Совет: Кога испробувате нова пудра, тестирајте ја на дневна светлина, бидејќи осветлувањето во продавниците може целосно да ве измами (што и најчесто се случува). Кога ќе го најдете вистинскиот тон, вашето лице ќе изгледа целосно природно и нема да имате ефект на маска, ниту ќе ви се познаваат рабовите.
(Телеграф.мк/Извор: Јутарњи)
