„Хигиена” која му штети на вашето здравје и убавина

Хигиената веројатно ви е најважна, но понекогаш несвесно правиме работи кои му штетат на нашето здравје и убавина. Ви откриваме кои грешки треба да престанете да ги правите.

Тампони- Денес се достапни големи тампони кои имаат голем капацитет и не е потребно често менување. Но доколку сте загрижени за вашето здравје, пожелно е тампонот да го менувате на неколку часа. Предолгото држење на тампонот можеда предизвика развој на бактерии кои ќе му наштетат на вашето интимно здравје. 

Сунѓер за туширање- Сунѓерот е идеално место за развој на бактерии. Уште е поопасен за вашето здравје доколку го делите со некој. Влажните места се „станица” на бактеријата Ешерихија Коли која предизвикува инфекции на каналот за мокрење. Затоа, сунѓерот менувајте го на секој 2-3 месеци и не го делете со никого. 

Четкање заби- Миењето заби најлесно е да занемари навечер и тоа не ни изгледа толку страшно. Но избегнувањето миење заби поттикнува развој на бактерии. За вашите заби да бидат здрави, четкајте ги претпазливо секоја вечер.