Каква исхрана се препорачува кај покачен крвен притисок?

Важно е да ја намалите количината на храна што ја јадете, да имате пет помали оброци во текот на денот, и целосно да ги исфрлите од исхраната масната и индустриски преработената храна, која поради адитиви и конзерванси содржи поголеми количини на натриум. За да го снижите крвниот притисок, јадете што повеќе зеленчук, овошје и намирници богати со диететски влакна. Најкорисен зеленчук секако е гравот, грашокот, варениот компир, зелката, брокулата, краставицата, целерот, доматот, белиот, црниот и црвениот кромид. Доколку одлучите да подготвите салата, зачинете ја со лимонов сок или јаболков оцет и зачински билки. Две неластени јаболка и две моркови дневно ќе ви помогнат во регулирањето на крвниот притисок. Исхраната збогатете ја и со сушени и свежи сливи, боровинки, мандарини, грејпфрут. Корисно е да јадете и банани, тиква, кајсии, праски, бадеми и костени. Препорачливи се и намирници богати со магнезиум, како зеленото лиснато зеленчук, интегралните житарки и коскестото овошје, освен лешниците и кокосовиот орев. Во секојдневната исхрана употребувајте три до пет грама сол, односно максимум едно мало кафено лажиче. Често се смета дека морската сол е поздрава од обичната кујнска сол, меѓутоа двата вида содржат натриум и хлор во иста пропорција, па и ефектот врз здравјето е идентичен. Преголема доза на натриум ги подигнува крвниот притисок и предизвикува кардиоваскуларни проблеми. Намалувањето на внесот на сол на максимум 5 грама дневно е можно преку правилен избор на намирници, читање на декларации и избегнување на дополнително солење при подготовка и консумирање на храната. Внимавајте дека значителни количини сол се наоѓаат во сувите билни зачини, месните конзерви, сувомесните производи, а во помали количини и во млекото и млечните производи. Исто така, на лицата со хипертензија им се препорачува внес на млечни производи со низок процент на маснотии (јогурт, ненамачкано посно сирење) заради адекватен внес на калциум. Употребата на полномасно млеко, екстра кисело млеко, павлака, кајмак, путер, топени и полномасни сирења, тврди маргарини, како и мајонез, преливи за салата и сенф, не е дозволена. Незаменлив извор на калциум се и брокулата и свежата зелка. За месото важи следново правило – јадете помали количини пилешко, мисирско, телешко и говедско месо, очистено од кожа и видливи маснотии, а се препорачува најмалку два до три пати неделно да јадете сина морска риба. Изнатрузите, паштетите, свинското и сите масни меса треба да ги заборавите. Добра замена за месото се гравот, грашокот, лешникот и сојата. Сета храна подготвувајте ја без маснотии, на вода, а кон крајот на готвењето можете да додадете една супена лажица ладно цедено нерафинирано масло – маслиново, сојино, сончогледово, пченкарно или тиквено масло. Јадењата не запржувајте ги. Пржењето или печењето на маснотии е многу штетно, а истото масло не треба да го користите повеќе пати. Избегнувајте и пржен компир, солено консервиран зеленчук, солени маслинки, концентрати за супи во кесички и повеќе од два жолчки неделно. Наместо бел леб, тесто со путер, лиснато тесто, чипс и снек производи, што повеќе користете овес и овесени снегулки (во јогурт и супи), јадете трици, непечени несолени семки (лен, сусам, тиквени семки, сончоглед – внимавајте на количината), варена пченица, леќа, соја, црн леб и леб од интегрално брашно. Колачите со крем, колачите печени во маснотии, кандирано овошје, чоколадото и производите од чоколадо заменете ги со суви колачи без маснотии, пекмез, овошен сладолед и пудинг од обрано млеко, овошни салати или бисквити без маснотии. Пијте минерална вода без натриум.