Црвена диета: Јадете вкусни оброци со домати и ослабете 3 кг за 5 дена
Оброците со домати го чистат организмот од токсини и го топат вишокот килограми. За 5 дена можете да ослабете 3 килограми, а организмот ќе ви се исчисти и ќе се ослободи од отровите.
Доматот е совршен плод за диети бидејќи е нискокалоричен (во 100 грама има само 18 калории), а е вистинска ризница на витамините А и Ц, калиум, ликопен, и е најмоќен антиоксиданс кој го смалува ризикот од малигни болести.
Диетата трае 5 дена, но можете да ја повторите после 2 дена пауза.
Во текот на диетата заборавете на слатки, бел леб и мрсни сирења, а јадете пилешко, риба, овошје, зеленчук и интегрални житарки. Од масла смеете да користите само маслиново, а од зачини сол, бибер и ароматични билки.
Секое утро, веднаш штом се разбудите, напијте се чаша млака вода. Јадете најмалку 4 пати на ден. Појадокот и ужината можат да бидат со домати или без, но за ручек и за вечера мора да јадете од овој црвен зеленчук.
Предлози за оброци со домати:
Домати со младо сирење: Измешајте 300 грама сечкани домати, 200 грама младо сирење, прелијте ги со лажичка ладно процедено маслиново масло и зачинете со босилок. Со салатата изедете 30 грама интегрален леб.
Тестенини со доматен сос
Исечкајте два моркови и крчкајте ги малку на маслиново масло. Додајте 50 мл пилешка супа и крчкајте уште 5 минути. Додајте 450 грама сечкани домати, посолете, забиберете и зачинете со пола лажичка мед, па крчкајте уште 15 минути. Сварете 100 грама тестенини и прелијте ги со подготвениот сос.
Грчка салата
Исечкајте главица кромид, два домати и една поголема краставица. Прелијте со маслиново масло и зачинете по вкус. Со салатата изедете 30 грама интегрален леб.
Ладно гаспачо
Исечкајте 300 грама домати, една пиперка и една поголема краставица. Ставете ги во блендер и додадете 1 лажица маслиново масло, 2 чешниња лук и 2 парчиња печени тост-лепчиња. Блендајте додека не добиете крем-супа. Посолете, забиберете и оставете да се олади.
Полнети домати со ориз
Издлабете 3 домати и ставете ги во огноотпорен сад. Настрана помешајте 100 грама младо сирење и 125 грама полуварен ориз, малку босилек, домати исечкани на коцкички и лук, па со смесата наполнете ги доматите. Печете 25 минути на 200 степени.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
