Лазаров и Вугринец во конкуренција за ракометар на годината

Специјализираниот ракометен портал Handball planet .com ги објави номинациите за најдобар ракометар во 2014 година. Меѓу номинираните, на позицијата десен бек се наоѓаат и македонските репрезентативци Кирил Лазаров и Ренато Вугринец.

Порталот на секоја позиција има номинирано по четворица играчи, а покрај Лазаров и Вугринец, за најдобри на позициите се номинирани и играчите на Вардар, Тимур Дибиров (лево крило) и Арпад Штербик (голман).

Гласањето трае до 4-ти декември, а покрај ракометните фанови својот глас ќе го даде и стручното жири составено од 23 новинари.

Голман: Арпад Штербик, Никлас Ландин, Матијас Андерсон, Тјери Омејер.

Лево крило: Тимур Дибиров, Андрес Егерт, Валур Сигурдсон, Ѕве Генсхајмер.

Лев бек: Микел Хансен, Момир Илиќ, Филип Јиха, Серхеј Рутенка.

Среден бек: Жоан Канељас, Домагој Дувњак, Никола Карабатиќ, Арон Палмарсон.

Десен бек: Кирил Лазаров, Ренато Вугринец, Ласло Наѓ, Марко Вујин.

Десно крило: Лук Абало, Виктор Томас, Ласе Сван, Драган Гајиќ.

Пикери: Жуилиен Агинагалде, Ренато Сулиќ, Седрик Сораиндо, Бјарте Мирхол.

Дефанзивец: Тобијас Карлсон, Виран Морос, Тимушин Шух, Гидеон Гвардиола.