Македа три години во РК Вардар
Шпанскиот ракометен репрезентативец Хорхе Македа (27) потпиша тригодишен договор со Вардар. Македа во Скопје доаѓа од Нант, а трансферот значи дека Петриќ и Терзиќ ќе си заминат од клубот. Македа минутажата на позицијата десен бек ќе ја дели со Блаженко Лацковиќ.
„Со ангажирањето на Македа, ќе имаме уште посилна бековска линија, и искусен и докажан играч. Вардар се засили со играч кој зад себе има медали во репрезентативен дрес, со надеж дека заедно ќе ги исполниме и клупските планови. Македа останува во Вардар до јуни 2018 година, а се надеваме и подолго. Со потпишувањето на Македа продолжуваат намерите на Вардар да создаде силен и респектабилен тим во Европа, изјавил за клупската интернет страница Давор Стојаноски, извршниот директор на Вардар.
Македа е поранешен ракометар на Барселона, Алкобендас, Арагон и Нант, со репрезентацијата на Шпанија има светско злато од 2011 година.
Шпанецот е четвртото засилување за следната сезона за Вардар по Дејан Манасков, Александар Деревен и Мијајло Марсениќ. Во меѓувреме клубот ги продолжи договорите и со Стојанче Стоилов, Алем Тоскиќ, Филип Лазаров, Матјаж Брумен и Алекс Душебаев.
