(ВИДЕО) Сијамски близнаци, кои не сакаат да се разделат
Сијамските близнаци од Индија, дванаесетгодишните Шиватан и Шиврам, се момчиња на кои што им е поврзан долниот дел на телото.
Но, овие момчиња не сакаат да се разделат, иако лекарите велат дека таква операција, може да биде успешна.
По операцијата едно од момчињата би можело да живее нормално, но второто би било во инвалидски колички.
Поради тоа што ги делат нозете, на момчињата им е отежнато движењето. Но, тие веќе знаат сами да се грижат за себе. Сами се облекуваат, бањаат и можат да се качуваат и симнуваат низ скали.
Нивниот татко, Раџ Кумар, кој има уште пет ќерки, вели дека на останатите луѓе во селото им е забавно да ги гледаат неговите синови, но вели дека само тој знае со какви проблеми се соочуваат.
-Кога ќе има дожд отежнато им е движењето. Но, сепак горд сум на нив, тие се добри ученици и никогаш не се расправаат – вели тој и додаде дека исто како и момчињата не сака тие да бидат разделени.
Е. Г.
