Што значи висината на UV индексот кој го слушате на временската прогноза?

Летните горештини одамна се пристигнати, а со нив ги донесоа и штетните UV зрачења. И колку и да сме свесни за нивното негативно влијание постои можноста добро да не сме запознаени со нивното вистинско влијание.

UV индексот е стандардна мерка која се применува за мерење на тоа какво влијание има соларната ултравиолетова радијација на човековата кожа.

Колку што е повисок UV индексот толку е поголем и ризикот од оштетување на кожата и очите.

Оваа мерка го зема во предвид и времето кое е потребно за да настане штетата.

UV индексот е поделен во 5 категории:

0 – 2

UV индексот кој варира помеѓу 0 и 2 означува мала опасност од штетните зрачења на ултравиолетовата светлина. Тоа значи дека, ако сакаме да се заштитиме од оваа варијација на ултравиолетовото зрачење потребно е пред сè да носиме очила со кои ќе го зачуваме нашиот вид.

Ако сте дел од оние луѓе кои лесно горат, тогаш неопходно е да започнете со употреба на креми кои имаат заштитен фактор +30 и да избегнувате силна светлина која може да се рефлектира од песокот и било која водна површина.

3 – 5

UV индексот кој варира помеѓу мерните единици 3 и 5 означува умерен ризик при изложување на штетните сончеви зрачења.

Тоа значи дека, во текот на оние часови коа сонцето е во или близу хоризонтот, потребно е да избегнувате директно изложување на сончевите зрачења. Ако веќе морате да бидете некаде во центарот на градот или на места каде нема сенка, тогаш најдобро е да носите облека која ќе ве заштити од штетното влијание.

Потребно е на секои 2 часа да нанесувате заштитна крема со фактор +30 и што е можно повеќе да избегнувате силна светлина.

6 – 7

UV индексот кој варира помеѓу мерните единици 6 и 7 означува висок ризик од оштетување на кожата и видот и потребна ви е сигурна заштита од овие влијанија на сончевото зрачење.

Ако UV индексот се наоѓа меѓу овие мерни единици, најдобро е да избегнувате директно изложување на сончевата светлина меѓу 10 и 16 часот. 

Ако веќе мора да бидете изложени на сончевата светлина, тогаш најдобро е да носите заштитна облека и очила за сонце.

Избегнувајте колку е можно повеќе директно изложување на сончевите зраци.

8 – 10

UV индексот кој варира помеѓу мерните единици 8 и 10 означува многу висок ризик од оштетување на кожата и видот.

Потребно ви е да примените дополнителни заштитни мерки од директно изложување на штетните сончеви зраци.

11 и повеќе

UV индексот кој варира од 11 и нагоре, укажува на екстремен ризик при директно изложување на сончевата светлина.

Потребно е да ги преземете сите заштитни мерки за да избегнете оштетување на кожата и видот. Употребувајте крема со заштитен фактор +50 и избегнувајте изложување на директна сончева светлина.

Без разлика на тоа колкав е UV индексот во текот на денот, најдобро е постојано да внимавате на вашата кожа, бидејќи сончевата светлина може да го зголеми ризикот од појава на рак на кожата.