Пациент кој боледувал од рак излекуван со ХИВ

Aмериканските доктори остварија огромен напредок во медицината откако успеаја да излекуваат пациент заболен од рак со помош на ХИВ.

Маршал Џенсен (30) од американската сојузна држава Јута, татко на едно дете, боледувал од акутна лимфобастична леукемија од 2012 година и последните две години трагал по ефикасен лек. Спасот го нашол во една клиника во Пенсилванија, каде што како еден од вкупно 30 пациенти бил дел од експериментална програма за лекување со генетска терапија која подразбирала користење на ХИВ, вирус кој предизвикува СИДА.

На пациентите им се даваат бели крвни зрнца со деактивиран ХИВ кој ги уништува келиите на ракот. Џенсен одлично реагирал на оваа терапија и бил излекуван, заедно со уште 18 пациенти.

Откако му била дијагностицирана леукемија, Маршал со сопругата Аманда и синот Кезман, една година патувал по САД барајќи лек за смртоносната болест.

Надеж му дал докторот Карл Џун, кој со неговиот тим поминал две децениии работејќи на експерименталниот третман со помош на ХИВ.

Врската меѓу ХИВ-от и леукемијата е откриена уште во 2006 година кога беше откриено дека Тимоти Вуд, кој имал ХИВ, боледува и од леукемија. По трансплантација на коскената с’рж од донор кој имал ретка генетска мутација, Вуд бил излекуван и од леукемија и од ХИВ.

Од тогаш докторот Џун работи на развој на третманот со кој се излекувал Маршал.