Лазаров во идеалниот тим на сезоната
Капитенот на ракометната репрезентација на Македонија и играч на Барселона, Кире Лазаров, е избран во идеалниот тим на сезоната во Лигата на шампионите.
Во изборот на тимот на сезоната учествувале над 44.000 ракометни фанови кои гласале на официјалната интернет страна на ЕФХ. Лазаров добил најмногу гласови за позицијата десен бек.
Идеалниот тим во ЛШ:
Голман: Роланд Миклер (Веспрем)
Десно крило: Виктор Томас (Барселона)
Десен бек: Кире Лазаров (Барселона)
Лев бек: Никола Карабатиќ (Барселона)
Среден бек: Микел Хансен (ПСЖ)
Лево крило: Уве Генсхајмер (Рајн Некар)
Пикер: Ренато Сулиќ (Веспрем)
Тренер: Талант Душебаев (Киелце)
Најдобар дефанзивец: Рене Тофт Хансен (Кил)
Признание од фановите доби и играчот на Вардар, Алекс Душебаев кој е прогласен за најдобар млад играч.
Најдобрите во сезоната 2014/2015 во ЛШ се прогласени во пресрет на завршниот турнир во Келн, каде во полуфиналето вo сабота ќе играат Барселона-Килеце (15:15 часот) и Кил-Веспрем (18 часот).
