Поврзаност со нередовен и неквалитетен сон со поголем ризик за рак на дојката

Експериментите спроведени врз животни го поврзуваат нередовниот и неквалитен сон со поголем ризик за рак на дојка, пишува стручното списание „Current Biology“.

Холандски истражувачи од Медицинскиот центар при Универзитет Еразмус додаваат дека нивните наоди ги потврдуваат претходните истражувања според кои работата ноќе е поврзана со негативни ефекти на здравјето. Според нив, жените со семејна историја на заболување од рак на дојка, не би требало да работат ноќна смена.

Во новата студија е утврдено и дека животните со нередовен и неквалитетен сон имале просечно 20 отсто зголемена телесна тежина и покрај тоа што внесувале иста количина храна како и животните со нормален сон.

Истражувачите добиените резултати ги објаснуваат со последиците од нарушување на т.н. внатрешен часовник на организмот.