Извлечени бараж двојките за женскиот ракометен Мундијал

Во Будимпешта беа извлечени бараж двојките за пласман на светското ракометно првенство во 2015, во женска конкуренција.

Дерби средбите во баражот се оние помеѓу Хрватска и Шведска, Германија и Русија, односно Србија и Романија.

На другите дуели ќе играат: Франција-Словенија, Холандија-Чешка, Украина-Полска, Црна Гора-Исланд, Австрија-Унгарија, Норвешка/Шпанија-Словачка. 

Првите натпревари ќе се одиграат на 6 и 7 јуни 2015, а реваншите се една недела подоцна. Светското првенство ќе се одржува во Данска од 5 до 20 декември следната година.