Зошто слушањето на тажни песни е добро за нашето здравје
Едно ново истражување покажало дека тажните песни не привлекуваат бидејќи поттикнуваат претежно позитивните емоции, што е одлично за нашето ментално здравје, објавиле германските научници.
Тимот експерти од Универзитетот во Берлин одлучи да истражи што стои зад привлечноста на меланхоличната музика.
Тие собрале податоци од 772 испитаници од Европа, Азија и Северна Америка.
Секој од испитаниците требало да одговори колку често слуша тажна музика, во кои ситуации ја слуша и како се чувствува додека тоа го прави.
Во студијата објавена во научното списание „PLOS One“, научниците велат дека тажната музика предизвикува „широк спектар сложени и позитивни емоции како што се носталгија, мирољубивост, трансценденција и воодушевување“.
Истражувањето покажало дека носталгијата е доминантно чувство што го почувствувале 76 отсто од испитаниците, додека мирољубивоста ја почувствувале 57,5 отсто.
Она што е заедничко кај сите тие чувства е дека се работи за позитивни емоции.
– Кај голем број лица, слушањето тажна музика може всушност да доведе до позитивни емоционални ефекти. Тагата предизвикна од слушање на таква музика, не е само естетско или апстрактно доживување, туку може да има важна улога во вкупното животно задоволство, бидејќи пружа утеха и регулира негативни расположенија и емоции – изјавил психологот Лила Таруфи.
Студијата исто така покажа дека голем број испитаници тажната музика ја слушале во моменти на самотија или емотивен стрес, па може да се зборува и за облик на самолекување.
Најновите откритија ги потврдуваат претходните истражувања кои укажуваат на тоа дека слушањето тажни песни го менува хемискиот процес во мозокот кој на луѓето им помага да ја надминат тагата.
Подготви:Б.В.
