Аеробик или теретана: Како да се одлучите?

Изборот на начинот на вежбање би требало да се темели врз афинитетите на оној кој вежба, наместо врз неговиот пол, старост или моменталната форма.

Тренингот во теретаната е индивидуален и секој може да работи на себе според сопствената желба – од обликување на телото па сè до набивање на мускулна маса.

Од друга страна, аеробикот е групна фитнес програма во која има одреден инструктор. Во овие вежби, тој ја одредува силата на програмата и оптеретувањето на мускулите.

Вежбањето во група е забавно и немате многу простор за ескивирање, додека во теретаната сте препуштени сами на себе и на вашите желби.

Затоа, за секој почетник препорачлива е придружба од инструктор или личен тренер, барем во првите неколку месеци.

Постојат мислења дека во теретана не може да ги намалите килограмите, а на аеробик никогаш нема да ги зајакнете мускулите, што е сосема спротивно.

Основните карактеристики на боди билдингот како спорт е брзо губење на масните наслаги, додека аеробикот со својата разновидна програма може да ви помогне во обликувањето на телото и мускулите.

Многу жени ја избегнуваат теретаната и воопшто вежбањето со тегови затоа што се плашат од големите, напумпани мускули, додека мажите го презираат аеробикот затоа што мислат дека таму само се игра. Вистината е далеку од тоа.

Само големо оптеретување и посебно програмирани тренинзи, проследени со правилна исхрана може да ве доведат до зголемување на мускулната маса.

Освен тоа, жените многу потешко ја постигнуваат заради значително помалото количество на тестостерон, кој е машки хормон.

Од друга страна, денешните аеробни програми се користат тегови тешки до 5 килограми, гуми и други реквизити кои исто така се делотворни во зголемувањето на мускулната маса.

Во двата начини на вежбање, освен естетскиот, не е помалку важен здравствениот ефект. Вежбите превентивно делуваат на појавата на остеопороза, како и на срцевиот и респираторен систем.

Аеробил или теретана? Што би одбрале вие?